Pas tërmetit shkatërrimtar të së hënës në Turqi e Siri numri i viktimave ka kaluar 11,000.
Presidenti turk Rexhep Tajip Erdogan po viziton zonën e tërmetit. Ai tha se vetëm në Turqi viktimat kanë kaluar 8,500.
Ai pranoi mangësitë në përgjigje gjatë ditës së parë, por tha se situata është përmirësuar që atëherë.
“Ne nuk do të lejojmë që asnjë nga qytetarët tanë të lihet në rrugë,” tha ai.
Ekipet e pakta të shpëtimit punuan gjatë natës në Turqi dhe Siri, duke nxjerrë trupa të tjerë nga rrënojat e mijëra ndërtesave të rrëzuara nga një tërmet katastrofik. Numri i të vdekurve u rrit të mërkurën në më shumë se 9,500, duke e bërë tërmetin më vdekjeprurës në më shumë se një dekadë. Agjencia turke e menaxhimit të fatkeqësive tha se numri i të vdekurve në vend ishte rritur në 7,108, duke e çuar totalin në 9,638, përfshirë viktimat e raportuara në Sirinë fqinje, që nga tërmeti i së hënës dhe pasgoditjet e shumta. Numri i të vdekurve në zonat e kontrolluara nga qeveria në Siri është rritur në 1250, me 2054 të plagosur, sipas Ministrisë së Shëndetësisë. Të paktën 1,280 njerëz kanë vdekur në veriperëndimin e kontrolluar nga rebelët, sipas reaguesve të parë vullnetarë të njohur si Helmetat e Bardha, me më shumë se 2,600 të plagosur, raporton ABC NEWS.
Turqia tani ka rreth 60,000 personel ndihme në zonën e goditur nga tërmeti, por me shkatërrimin kaq të përhapur, shumë janë ende duke pritur për ndihmë.
